Asaf Ademi: Vendimet tona janë të mbështetura në ligj

Në intervistën e dhënë për Kanal 5, Ademi ka deklaruar se vendimi për projektet është bërë sipas propozimeve të komisioneve punuese, të cilat janë të përbëra nga profesionistë të fushës. Të njëjtit kanë punuar 1 muaj e gjysmë rreth aplikimeve dhe në bazë të kritereve të konkursit që ishte i shpallur në shtator të vitit të kaluar.

Të gjitha projektet, të gjitha aplikimet për të cilat ka edhe dyshimin më të vogël do të jenë transparente për publikun. Aplikuesit të cilët janë refuzuar do të rishqyrtohen, këtë e kam kërkuar nga Komisioni. Komisioni ka pranuar propozimin tim dhe nesër në ora 10.00 do të fillojnë me punë, ka deklaruar ministri i kulturës Asaf Ademi.

“Unë vendos sipas Ligjit për kulturë, unë nuk e kam shpikur mënyrën e vendimmarrjes, e as mënyrën se si do të financohen aplikacionet”, ka theksuar Ademi.